Sa herë ia dëgjoja zërin,
Unë e doja si motrat e mia!
Se trupin ma dridhte të tërin
Kur këndonte bukur Nexhmia.
N’ekranin e vogël kur e shikonin,
Krenaria fekste kudo me ngjyra.
Kostumet popullore e zbukuronin
E adhurimi na buzëqeshte n’fytyra.
Kur ballin shpesh ia freskonte zefiri,
Dukej fisnikëria me brez argjendi.
Kosovës jehonte kënga si zë bilbili
E zemrat e njerëzve s’i mbante vendi!
Nga Ohri n’Ulqin ndalte këngën kumria
Edhe bilbili pushonte në gëmusha
E nëna thoshte heshtni ,
Po këndon Nexhmie Pagarusha!