Ninullë bashkëkohore

Kultura

Ninullë bashkëkohore

Nga: Musa Ahmetaj Më: 24 maj 2026 Në ora: 11:58
Musa Ahmetaj

Nina-nana, djali i mamit

Të lindi mami në qytet

Me votat e katundit

Të më bëhesh deputet

Nina-nana, lumja nana

Të më bëhesh tamam burrë

Dashurinë ndaj karriges

Mos e humbsh kurrë

Nina-nana, shpirti i mamit

Të lindi mami mu në festë

Kur të më bëhesh kryeministër

Mos pafsh asnjë protestë

Nina-nana, loqka e mamushit

Për mësysh, vendi është i hundës

Nuk ta bëj hallall mundin

Me dy-tri vende të punës

Nina-nana, loçkoman i mamit

Ditë të mira ke për të pritur

Nga zemra mami të uron:

Mos të pafsha kurrë në opozitë

Të uroj suksese o biri im

Si gjithherë edhe kësaj here

Patjetër të më bëhesh deputet

O me vota e me dallavere

comment Për komente lëvizni më poshtë
Sot mund të lexoni Shfletoni kopertinat