Hajdutët

Kultura

Hajdutët

Nga: Sevdail Hyseni Më: 4 korrik 2026 Në ora: 10:19
Sevdail Hyseni

Dikur moti në Opojë, 
tre hajdutë me përvojë.

Nisen natën me mendimin

ta grabitin Nastradinin.

 

Sapo hynë brenda në shtëpi,

në katin e parë panë me sy,

një viç të madh, lara-lara,

si s’kishin hasur më përpara.

 

E bënë planin si t’ia nisin:

- Së pari, Nastradinin ta mbysin,

- Së dyti, gruan t’ia dhunojnë,

- Së treti, viçin t’ia copëtojnë!


Nastradini, burrë me mend,
por i tmerruar në atë moment,
ngarend te gruaja nën jorgan,
ishte bërë i verdhë si limon.

Gruaja i tha me habi:
- Ç'ke, o burrë, ç'është me ty?
Tha Nastradini, me drojë e tutë:
- Në shtëpi kanë hyrë hajdutë!

Por, e dashura ime, mos ki frikë,
nga ky "operacion" me taktikë;
-Ti shpëtove shëndosh si thana,
mua dhe viçit na u kajt nana!

Sot mund të lexoni Shfletoni kopertinat