Shkreptima zemre

Kultura

Shkreptima zemre

Nga: Ëngjëllushe Sheme Koltraka Më: 10 gusht 2026 Në ora: 10:06
Ëngjëllushe Sheme Koltraka

Sa vë këmbën te pragu i derës

Unë i ndiej shkreptimat e zemrës

Që ndriçojnë honet e humnerës.

 

Se jeta jonë si një humnerë

Ata që deshëm, nuk e arritëm asnjëherë

Nuk e shijuam atë që ka vlerë.

 

Nëpër shekuj jetën na e nxinë

Zemra nuk reshti së lëshuari shkreptimë

Paçka se në pleqëri ma kthyen rininë.

 

Nuk iu soskan shkreptimat zemrës shqiptare

Në lumenj, dete, në fusha e male

Me krenari përballuam vuajtje e halle.

 

Se jam ilire në trojen time pellaze

Ndaj përballoj dallgë e tallaze

Paçka se shpirti mbushur plot maraze.

 

Se një llokëm Çamërie është Konispoli

Vend i shenjtë ku në liri ruhet simboli

Ku nuk shuhet e nuk vdes Mollosi.

 

Zemra shkrepëtinë nga Janina

Ku Suli syçelë ka plot trima

Nga Preveza hyjnore vjen drithërima.

 

Po zgjohet Çamëria e Mollosit

Aravanitët trima me besë të Zotit

Kërkojnë bashkimin e trojes së Kastriotit.

 

Aravnite është Bubulina

Dhe Kolokotroni sytë vetëtima

Nga gjaku shqiptar, lirinë gëzon Athina.

 

Në vëllazëri jetonim dikur

Secili nderonte të tijnë flamur

Pabesinë nuk e njohëm kurrë.

 

Po heroi Marko Boçari

Shqiptar e bir shqiptari

Zemra e tij ndizej si zjarri.

 

Akademia lëvizëse Hasah Tahsini

Atij në ballë i ndrinte ylli

Shumë larg ishte i tij shikimi.

 

I artë ishte i tij mendimi

Nuk iu nda zemra nga bashkimi

Por vdiq i mbuluar nga trishtimi.

 

E ndieu kur Çamërisë i ra mallkimi

Ndaj iu mek dhe ligjerimi

Kur pa Çamërinë mbuluar prej tymi.

 

Burra kolos plot madhështi

Me shpirt të pastër pa djallëzi

Trimërinë e kishin se ishin sojli.

 

Çamëria peng i një djallëzie

Çamëria shpirt shqiptarie

I shkreptinë zemra me frymë lirie.

 

Shkreptinë zemra e Preshevës

Vuajtje e rëndë nën sundimin e zgjedhës

Në gjoks pret plumbin e predhës.

 

I fuqishëm zëri i luginës

Po përballet me këlyshët e shkinës

Deputeti si Kreshniku i Jutbinës.

 

E ngre zërin në Parlamentin e Serbisë

Mbron të drejtat e shqiptarisë

Heroinë nëna që i dha sisë.

 

Nga Bujanovci në Metvegje

O shkreptimë zjarrin e ndeze

Se ke frymë Nënë Tereze...

 

Lindi në Shkup, qëndroi si burrë

 Në zemër mbajti të shqipes flamurë

Shqiptarinë nuk e harroi kurrë.

 

Njihem si Nënë Tereza e Kalkutës

Por shpirti em në tel të lahutës

Së pari shqiptova emrin e bukës.

 

Në shqip thashë babë e nanë...

Jam shqiptar me gjak, kam thanë.

Kam lajmëruar gjithë dynjanë.

 

Kam lajmëruar Papë e Perandrorë

Ma kanë lënë kombin një dorë

Trojet pellaze ma bënë therorë.

 

Shkreptima zemra lëshon Shkupi

Xhemë Gostivari kurrë nuk hupi

Përballoi përbindëshat soj harbuti.

 

Po ku je Arbër Xhaferi?!

Kur të humbëm zemra në theri!

Ti ishe drita kur na mbuloi terri...

 

Shkupi, Gostivari dheTetova

Janë tapi e trojeve tona

Gati janë kur i dona...

 

Manastiri e Kumanova, tokë ilre

Për Kombin janë xhevahire

Me alfabetin me shkronja latine.

 

Tash po dal në Liburni

Mbretëresha Teutë si flori

Na la të shkruar një histori.

 

Me Gji Kotorri, me Plavë, Guci

Me Tuz, Ulqin përherë krenari

Me Kastriotët lidhur me miqësi.

 

E u rritën mbesat e nipat

Edhe sot trashëgojnë traditat

Si në Trojvogjël tregojnë meritat.

 

Sa shumë dallgë në hodhi koha

Në dyzet male po klith shqiponja

Se tridhjetë e dy fise kanë trojet tona.

 

Shkreptima zemre lëshon Kosova

Dardanisë në botë i përhapet jehona

Me Presidentin e parë Ibrahim Rugova.

 

I ndrinë trimëria qysh nga lashtësia

Sa heronj mbuluar nga lavdia

Për Dardaninë janë dashuria...

 

Gjerdan krenarie i ka Kombi

Kombi që përbindëshi na e shkërmoqi

Shqiptarët të bashkuar krah sho-shoqi.

 

Përballojmë plagët e rënda    

Kur ecim në gjak na shkel këmba

Na gjakosi ylli me pesë gjëmba.

 

Për tragjedinë u kemi lënë Zotin

Atyre që zhdukën Ukshin Hotin

Dardaninë e lanë pa Filozofin!

 

Por Dardania rriti legjendarin

Trim mbi trima Adem Jasharin

Duarve të lidhura u preu litarin.

 

Shtëpinë e ktheu në kështjellë

Nuk la serbin që ta shkelë

Lirinë në zemra e ka mbjellë.

 

Babë Murati dhe pse plak

Thërret: Liria nuk vjen pa gjak!

Ndaj lërtësoni flamurin bajrak!...

 

Po luftojnë me gra e fëmijë

Heroizmi në istikam të rri

Nga heroizmi liria do të vijë...

 

Liria do shpërthejë si bozhure

Në çdo prag po çelin lule

Me kapuç të bardhë Dardani fodulle.

 

E vure kufirin te Molla e Kuqe

Sa rrite djem trima me huqe

E stolisën Dardaninë si një nuse.

 

Në udhë të Lirisë sot Dardania

Në çdo hap i rritet siguria

Afrim Bonjakut si bilbil i këndon alltia.

 

Në Arbëri ne kemi Tiranën

Ne e duam porsi nanën

Nuk dona t’ia ndiejmë gjamën!

 

Në Bulevard është derdhë qyetaria

Nuk duam të komandohemi nga Lubia

Që e mbolli në Tiranë Serbia.

 

Po lotoj unë siç lotoi nëna

Shumë thellë i ka rrënët gjëma...

Që kur komandonin Miladina e Dushana...

 

Fatkeqësinë e provuam shumë herë

Erdhi koha fatkeqësinë ta hedhim në humerë

Të jetojmë në liri si shumë popuj të tjerë.

 

Ndaj mos ta shuajmë zjarrin që është ndezë

Atdheun e kemi nga Nishi në Pervezë

Ta bashkojmë shqipen që në gjenezë.

 

Të bashkojmë Çamërinë e Mollosit

Me Liburninë, me Dardaninë e Eposit

Me ilirët e Shkupit, me trojën e Kastriotit.

 

Ta mbajmë ndezë të zjarrtin flakadanë

Po na ndihmon i madhi Oqeanë...

Të bashkojmë Kombin Ilirianë...

Sot mund të lexoni Shfletoni kopertinat