Gabimet - faljet

Kultura

Gabimet - faljet

Nga: Xhelal Hoxha Më: 21 gusht 2026 Në ora: 11:05
Xhelal Hoxha

Gabimet janë njerëzore,

ndërsa faljet janë Hyjnore.

Falni, falni sa më parë,

sepse falja është mençuri,

trimëri, dashuri e burrëri.

Aty ku ka urrejtje e hakmarrje,

s’ka aspak dashuri;

aty ka vëllavrasje,

ka edhe hasmëri në vazhdimësi...

Falja, njëkohësisht,

është virtyt edhe fisnikëri

për të gjithë popujt e botës,

e në veçanti, për Shqiptarinë!

NËSE...

Nëse vlerëson dikë, mos e vlerëso assesi nga lakmia e xhelozia,
por vlerësoje atë nga punët e kryera, nga veprat e tij...

Dhe jo nga fjalët e bukura të njerëzve kokëzbrazët,
të kotë e bosh fare.

Nëse vihen në baraspeshë,
nga të gjitha fjalët që fliten, ku janë ato të këqijat?

Këto mund t’i bindë e t’i mundë vetëm korrektësia
dhe pastërtia jonë, me emrin DASHURI!

Sot mund të lexoni Shfletoni kopertinat