Kur natyra bëhet dashuri

Kultura

Kur natyra bëhet dashuri

Nga: Milazim Zeqiraj Më: 28 gusht 2026 Në ora: 20:04
Milazim Zeqiraj

Ne e duam natyrën, 

sepse gjelbërimi e kupton diellin dhe shiun.

 

Ajo e njeh gjuhën e stuhisë,

kur era i përkul lisat

kurse rrënjët kapen fort pas gurit,

pa pasur nevojë për fjalë.

 

Dielli në mëngjes e përqafon me dritë,

e ajo dritë ndizet në sytë tanë.

 

Na lehtëson frymëmarrjen,

sepse ajri që thithim

lind mes gjetheve të lisave

dhe në buzëqeshjen  e gjelbërimit.

 

Kur është e heshtur,

gjelbërim shkelqen

duke zbukuru peizazhin para syve tanë,

dhe atë brenda nesh.

 

E kur mes lisave

nuk arrijmë ta shohim natyrën,

aty shohim:

një fytyrë të bukurisë,

një copëz të gjelbërimit,

dhe një trajtë të dashurisë sonë.

Sot mund të lexoni Shfletoni kopertinat