Aktiviteti i përbashkët kulturor Kosovë–Greqi do të mbahet më 10 shtator në Bibliotekën Kombëtare të Kosovës “Pjetër Bogdani”.
Në kuadër të përgatitjeve për këtë aktivitet, drejtoresha e Bibliotekës Kombëtare, Blerina Rogova Gaxha, është takuar me zëvendësuesen e shefes së Zyrës Ndërlidhëse të Greqisë në Prishtinë, Kleoniki Kipourou.
Sipas njoftimit të Bibliotekës, takimi kishte për qëllim edhe forcimin dhe zgjerimin e bashkëpunimit ndërinstitucional dhe kulturor ndërmjet Kosovës dhe Greqisë.
Gjatë takimit u vlerësua rëndësia e nismave të përbashkëta kulturore, si dhe mundësitë për zhvillimin e projekteve të reja në të ardhmen.
