O Darvin, o dijetar,
ç’na bëre me teori,
ti kërkove evolucion,
ne gjetëm parti!
Ti hulumtove jetën,
natyrën dhe njerëzinë,
por s’e parashikove
politikën në Luginë!
Ti fole për përshtatje,
për zhvillim e ndryshim,
këta e kthyen teorinë
në pazare për emërim.
S’iu duhet më shkenca,
as libri, as dituria,
kur kolltuku bëhet fe,
e pushteti - Perëndia!
Njeriu nga lashtësia
u ngrit me mund e djersë,
disa politikanë ngjiten lart
me interes për faqe t’zezë.
Në listë kërkon një vend,
kurse në kryesi një fron,
për popullin një premtim,
për veten disa milionë.
E kur u del përpara
ndonjë post a përfitim,
e lënë teorinë mënjanë
dhe nisin një rebelim!