Metush Krasniqi

Kultura

Metush Krasniqi

Nga: Xhelal Hoxha Më: 17 tetor 2026 Në ora: 13:57
Xhelal Hoxha

Kolosi i qëndresës, pishtari i lirisë

Në Dajkoc, në zemër të Dardanisë,

u lind një burrë me shpirt shqiptarie,

Metush Krasniqi, bir i një kombi të lashtë,

me zemër të zjarrtë e me ideal të lartë lirie!

Që në rini, kur mori rrugën e jetës,

nuk iu përkul stuhisë, as frikës së vdekjes,

burgjet e prangat nuk ia thyen betimin,

as torturat mizore nuk ia shuan qëllimin.

Shtatë herë dyert e burgut iu hapën,

shtatë herë prangat në duar iu vunë,

por zemrën e tij kurrë s'mundën t'ia mbyllnin,

as fjalën e lirë nga shpirti t'ia shkulnin!

Në bankat e shkollës, në oda e kuvende,

mbolli një ideal që s'njeh kurrë shembje,

për gjuhën shqipe, për shkollën, për kombin,

për tokën e të parëve, për flamurin tonë.

Para gjykatës, me ballin krenar,

nuk foli si i mundur, por si atdhetar.

E vërteta në shpirt, në sy guximi,

në fjalë drejtësia, në zemër qëndresa e betimi!

«Mund të më dënoni, por s'mund të më thyeni,

mund të më burgosni, por s'mund të më shuani!

Për popullin tim do të punoj pa pushim,

se liria e tij është jeta dhe qëllimi im!»

Vitet kalonin, por ideali mbetej,

sa më shumë e shtypnin, aq më fort qëndronte,

me shokë të idealit, me zemër të bashkuar,

për Kosovën e lirë, për kombin e çliruar.

Dhe kur tetori i zi trokiti në derë,

trupi i tij u shua, por jo fjala e vlerë,

më pesëmbëdhjetë tetor, në vitin tetëdhjetë e gjashtë,

u nda nga kjo botë një burrë zemërzjarrtë.

Por, Metush, o burrë, mos mendo se ike,

se emri yt jeton në zemrat shqiptare,

në Dajkoc, në Roganë, në Prishtinë e Dardanë,

je kujtim, je histori, je krenari mbarë!

E sot, kur shtatorja lart qëndron,

e kur busti yt brezat i vështron,

sikur u thua: «Mos e harroni qëllimin,

ruajeni lirinë, nderin dhe bashkimin!»

Besniku, biri yt, në rrugë të jetës,

mban kujtime të babait, të dhimbjes e shpresës,

larg atdheut, përtej deteve, në dhe të huaj,

rrënjët i ka këtu, ku shqipja jehoi dikur.

E ti, Metush, në kujtesë do të mbetesh,

sa herë për liri e për atdhe do të flitet,

se burrat e mëdhenj nuk vdesin përgjithmonë,

kur vepra e tyre në zemra jeton!

Lavdi jetës sate, Metush Krasniqi!

Lavdi qëndresës, idealit e krenarisë!

Emri yt le të jehojë brez pas brezi,

si zë i Dardanisë, si dritë e shqiptarisë!

Image
Metush Krasniqi
Sot mund të lexoni Shfletoni kopertinat