Stina e tretë

Kultura

Stina e tretë

Nga: Ardian Haziri Më: 21 tetor 2026 Në ora: 20:19
Ardian Haziri

Në buzëmbrëmjen e tetorit,

Dita mat drejtpeshimin e saj,

Rrezet e diellit strehohen ngadalë,

Nën qepallat e stinës së tretë.

 

Vranësirat e para bëjnë provën e fundit,

Për shfaqjen “Zhurma e shiut”,

Me vijat gjarpërore të ujit nëpër qelq.

 

Gjëmimi i qiellit zëvendëson heshtjen,

Teksa gjethet vallëzojnë në krahët e erës,

Si flutura veshur me të verdha.

 

Unë dhe vetja ime mbështetemi,

Në karriget me shpinore të larta,

Dhe flasim qetë me qetësinë,

Për mozaikun që krijon stinarta. 

Sot mund të lexoni Shfletoni kopertinat