Si qenka bota

Kultura

Si qenka bota

Nga: Arif Ejupi Më: 24 tetor 2026 Në ora: 18:52
Arif Ejupi

Si qenka bota,
me idiotë e të pafytyrë!
Të vrasin e të qesin fare,
e lajnë tokën në gjak
dhe e mbushin me varre.

Sillen sikur të mos
ketë ndodhur asgjë,
madje kërkojnë
privilegje e pushtet.

Askush nuk e ka guximin
t’u thotë:
“Mjaft, o horra!
Ju thaftë gjuha dhe dora!”

Keni vrarë e masakruar
mijëra pleq e fëmijë,
e sot na flisni
për demokraci!

Me gjasë, po përsëritet historia
e është ndalur edhe ora,
se është mbushur bota
me të pafytyrë e kriminelë,
që vrasin e rrënojnë
dhe ende kërkojnë
privilegje e pushtet!

E bota bën sehir
dhe sheh vetëm interesin e vet!

Arif Ejupi
Gjenevë, 23 tetor 2026

Sot mund të lexoni Shfletoni kopertinat