Bogujevci pret fitueset e “Akordeve të Kosovës” 2026

Kultura

Bogujevci pret fitueset e “Akordeve të Kosovës” 2026

Nga: A.M. Më: 6 nëntor 2026 Në ora: 20:18
Pamje nga takimi

Ministrja e Kulturës dhe Turizmit, Saranda Bogujevci, ka pritur në takim Troja Bicurrin dhe Dalina Haxhiun, fitueset e Festivalit të Këngës “Akordet e Kosovës” 2026.

Përmes një postimi, Bogujevci ka bërë të ditur se gjatë takimit kanë diskutuar për përvojën e fitueseve në festival, përgatitjet dhe emocionet e ngjitjes në skenë.

Sipas ministres, diskutimet janë përqendruar edhe te organizimi dhe puna e bërë në edicionin e sivjetmë, si dhe te vazhdimësia e festivalit në vitet e ardhshme.

Postim i plotë:

Me kënaqësi i prita sot në takim Troja Bicurrin dhe Dalina Haxhiun, fitueset e Festivalit të Këngës “Akordet e Kosovës” 2026.

Bashkë folëm për përvojën e tyre në festival, përgatitjet dhe emocionet e ngjitjes në skenën e “Akordeve të Kosovës”.

Bashkë me drejtoreshën e RTK-së, Zana Spahiu, dhe drejtoreshën e festivalit, Arta Avdiu, diskutuam për organizimin dhe punën e bërë në edicionin e sivjetmë, si dhe për vazhdimësinë e “Akordeve të Kosovës” në vitet e ardhshme.

I urova Trojës dhe Dalinës shumë suksese të tjera në rrugëtimin e tyre muzikor.

Sot mund të lexoni Shfletoni kopertinat