PKS: Partia e Vuçiqit po vëzhgon ilegalisht qytetarët serbë

Lajme

PKS: Partia e Vuçiqit po vëzhgon ilegalisht qytetarët serbë

Më: 1 dhjetor 2021 Në ora: 15:57
Ilustrim

Partia e Serbëve të Kosovës (PKS), po pretendon se serbët e komunës së Leposaviqit po vëzhgohen ilegalisht nga partia e presidentit serb, Aleksandër Vuçiq dhe nga Lista Serbe. PKS thotë se kështu po shkelen të drejtat e qytetarëve dhe privatësia e tyre.

Në faqen e saj zyrtare në Facebook, Partia Serbe e Kosovës ka publikuar disa fotografi, sipër të cilave ka dhënë shpjegimin e tyre.

“Njoftojmë qytetarët e Leposaviqit se nga data 27 nëntor 2021 janë duke u përgjuar dhe filmuar paligjshëm nga Partia Përparimtare Serbe (Lista Serbe)... Edhe pse Lista Serbe është parti private, privatësia jonë si qytetarë është mbi çdo interes partiak dhe mbi grupet kriminale të Millan Radoiçiqit, i cili vepron nëpërmjet Listës Serbe” thuhet në reagim të PKS-së.

PKS ka paralajmëruar se do të denoncojë në Policinë e Kosovës akterët e video-instalimeve si dhe individët që mundësuan një gjë të tillë.

"Sa më shpejt që të jetë e mundur, për hir të bashkëqytetarëve tanë dhe për mbrojtjen e privatësisë së tyre, ne do të denocojmë tek institucionet kompetente, në prokurori dhe Policinë e Kosovës, rastin ndaj video-instalimeve të tilla ilegale, si dhe ndaj individëve që kanë mundësuar instalimin”, thuhet tutje në reagim.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat