​Dita kur gjykata konfirmoi padinë kundër kriminelit Sllobodan Milosheviq

Lajme

​Dita kur gjykata konfirmoi padinë kundër kriminelit Sllobodan Milosheviq

Më: 27 maj 2022 Në ora: 07:18
Sllobodan Milosheviq

Gjykata e OKB-së mbi krimet e luftës në Hagë, më 27 maj të vitit 1999, konfirmoi se ka paditur presidentin jugosllav, Slobodan Milosheviq, si kriminel lufte.

Më 1 prill të vitit 2001, Millosheviqi arrestohet në Beograd. Ndërsa me urdhrin e qeverisë serbe, me 28 qershor, ekstradohet në Hagë, pasi paraprakisht ishte bërë publike aktakuza për krime lufte në Kosovë.

Më vonë Millosheviqi akuzohet për krime edhe në Kroaci dhe gjenocid në Bosnje-Hercegovinë.

Gjykimi kundër Millosheviqit në Hagë kishte filluar me 12 shkurt të vitit 2002.

Nxjerrja e dëshmive për krime në Kosovë e Kroaci dhe për gjenocid në Bosnje - Hercegovinë, ka zgjatur deri me 25 shkurt të vitit 2004. Mbrojtja e tij ka filluar në fund të gushtit të atij viti.

Gjykimi kundër Millosheviqit është ndërprerë me dhjetëra herë për shkak të problemeve kardiovaskolare dhe tensionit të lartë të gjakut.

Më 11 mars 2006 në ora 9:30, u gjet i vdekur në qelinë e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat