Zbulimi i lidhjes së fshehtë mes Beartit e Teas dhe asaj të stisur midis kësaj të fundit dhe Andit ka përfshirë edhe shumë ish-konkurrentë e konkurrentë të “Për’puthen”, të cilët kanë zgjedhur të reagojnë mbi situatën në fjalë. E fundit që i është shtuar listës së reagimeve të ish-pjesëtarëve të emisionit është edhe Fjorela Peto.
Përmes një postimi në InstagramStory, Peto hedh poshtë versionin e Andit dhe Teas, ku sipas tyre ishte kontrata me formatin ajo që i mbante lidhur dhe i detyroi për kaq kohë të heshtnin. Peto thotë se askush nuk të detyron të bësh gjëra që nuk do, të paktën atë nuk e kanë detyruar kurrë.
“Të shumtë janë ata që më pyesin rreth ndodhive të fundit që kanë ndodhur me kokurrentët e “Për’puthen”. Unë nuk di se çfarë të them, pasi nuk mund të flas në emër të personave që kanë qenë protagonistë në ngjarjet e fundit, sepse janë ata që marrin vendimet dhe për çdo veprim mbajnë përgjegjësitë e tyre.
E vetmja gjë që mund të them nga eksperienca ime në “Për’puthen” është se unë në atë reality-show kam bërë çfarë kam dashur pa qenë nën presionin e askujt, sepse askush nuk mund të më detyrojë mua të bëj një veprim kundër dëshirës sime. Të paktën mund të flas për veten time, që tek unë nuk ka guxuar njeri të më thotë të bëj skenar”, shprehet Fjorela, e cila muaj më parë u largua nga “Për’puthen”, pasi deklaroi se kshte njohur dikë jashtë.
Lidhur me skandalin e publikimit të fotografive të çiftit, jo më larg se dje reagoi vetë Tea Trifoni.
“Meritoni të gjithë një shpjegim, kam qenë dhe vazhdoj të jem në një lidhje me Beartin por jo, nuk e kam tradhtuar Andin. Mbaj përgjegjësi përpara të gjithë atij publiku që na ka mbështetur, na ka dashur dhe ju kërkoj falje, ju kërkoj shumë ndjesë. Sa e vështirë është të gjesh fjalët e duhura dhe të shprehësh gjithçka që ke në kokë dhe që ndjen. Ka ardhur koha të dini të gjithë të vërtetën. Historia ime ka nisur gjatë takimit në “Për’puthen” te ajo mobileri, ku na është ngjallur një interes i pashpjegueshëm për njëri-tjetrin. Nuk e kishim idenë se çfarë do të vinte më pas.
Mesin e nëntorit vendos të ndërmarr një udhëtim për në Kosovë. Edhe për këtë produksioni ka qenë në dijeni, për udhëtimin tim ku takova Beartin. Ka qenë në dijeni Olsa, Arjani jo. Produksioni ka qenë i informuar prej meje, e kam treguar që kisha komunikim me Beartin. Pas kësaj nuk dija si të veproja, ndjeja një përgjegjësi morale, ligjore, sigurisht edhe respekt ndaj produksionit. Andi gjithashtu ka qenë i informuar, edhe ai u gjet në këtë situatë, nuk kishte çfarë të thoshte.
Të dy nuk dinim çfarë të bënim, çfarë drejtimi t’i jenim, thjesht ndenjëm dhe pritëm. Sepse për njerëz që ishin larguar nga emisioni, ishte përmenduar gjoba, ndjekja ligjore, gjyqi dhe kjo na bëri të mos kishim kurajo për të ndërmarrë vendimet tona personale. Kalonin javët dhe prisnim të na largonin. Dilnim për inerci, pyesnim gazetarët na thoni ndonjë temë për çfarë të flisnim. Jemi munduar që të jemi korrektë me të gjitha, harruam një gjë shumë të rëndësishme, ndoshta prej moshës, ndoshta prej mungesës së informacionit, se si mund të veprosh në situata të tilla, ndoshta prej të gjendurit vetëm”.
Më tej shton se publikimi i fotografive erdhi prej tyre dhe ishte i qëllishëm.
“Harruam që po ju gënjemin ju, po gënjenim një popull të tërë, harruam që po ju gënjenim ju që na deshët. Unë dhe Andi kemi dashur të largohemi që prej mesit të dhjetorit, ndoshta dhe pak më herët, kemi dashur të dilnim jashtë, të vazhdonim jetët tona, si dy miq shumë të mirë që në fakt jemi, secili në drejtimin evet. Kjo histori u zgjat deri në fund të janarit dhe ne vendosëm të mos ishim më pjesë e kësaj loje.
Nuk po na e mbante më shpirti, unë ndihesha si e burgosur që s’isha dënuar. Erdhi një pikë ku unë vendosa që të jemi të sinqertë me publikun që na ndjek, me një publik që jetoi me ne gjatë atyre muajve të emisionit. Kështu që i publikuam ne ato foto që dolën me Beartin me qëllim, sepse pavarësisht reagimit që do merrnim, kërcënimeve, ofendimeve, për hir të sinqeritetit, jemi duke u dënuar publikisht. Gjithsesi ndihem e lumtur, e çliruar që më në fund do e jetojmë jetën tonë ashtu siç duam ne”, përfundoi Tea.
Po kështu, Andi Shehi përmendi “kontrata të frikshme”.
“Vija nga hiçi para botës së kamerave! Kujtdo personi i duket bukur, të gjithë ju do mendoni ”ëa sa bukur fama, vëmendja etj etj ” po ashtu si unë edhe të gjithë konkurrentët e tjerë jam shumë i sigurt që janë gënjyer nga kjo botë që duket shumë e bukur, ama përtej kamerave fshihen letra, kontrata, firma dhe shumë politika të tjera të shpifura siç ishte shfrytëzimi i imazhit tim ! Kemi rënë të gjithe pre e kësaj bote në pamje të parë të bukur, ama kur i vjen fundi kupton që disa copa letrash të mbajnë gojën mbyllur te familjarët , miqtë dhe publiku ! Por jo më, tani po flas me zë të lartë!
Hyra në atë emision për të gjetur dashurinë, ama jo vetëm dashurinë që s’gjeta por u detyrova dhe të heshtja, të mbyllja gojën përveçse zemrës! Tani nuk më intereson më asgjë tjetër veçse të jem i sinqertë me familjen time, miqtë dhe publikun ! Ju kërkoj ndjesë të gjithëve kam tentuar shumë herë të flas ama ato kontrata e letra janë të frikshme! Prandaj dhe shpesh nuk kam ardhur në emision kam dashur të largohem prej kohësh prej andej , ama nuk jepja dot sqarime sepse ekzistonte meraku i kontratave ! Më është kërkuar të rikthehem në emision dhe të dal sesbën çift me Tean ! Kjo është gjithë historia ime në ekran! Tani të bëhet ça të bëhet s’më plas fare për ato kontrata nuk kam frikë! Ju dua shumë të gjithëve!”
