Pas sulmit të Salman Rushdie, kërcënohet autorja e sagës “Harry Potter”

Mediale Vip

Pas sulmit të Salman Rushdie, kërcënohet autorja e sagës “Harry Potter”

Më: 14 gusht 2022 Në ora: 11:56
Joanne Rowling

Pas ngjarjes barbare, ku u sulmua autori dhe partizani i fjalës së lirë, Salman Rushdie në një leksion letërsie të mbajtur në New York, të famshëm dhe jo vetëm reaguan të tronditur. Mes tyre ishte edhe autorja e sagës “Harry Potter”, Joanne Rowling, e njohur si J.K.Rowling.

Ajo u shpreh e trishtuar prej sulmit kundrejt Salman Rushdie dhe uroi që ai të ishte mirë, përmes një postimi në Twitter, por nuk vonoi shumë dhe një mbështetës i sulmit ndaj autorit, replikoi duke thënë: “Mos u shqetëso, e ke ti radhën”.

Rowling menjëherë i bëri tag llogarisë përgjegjëse për suport, duke thënë: “Ka ndonjë mundësi për suport?” dhe më vonë, përditësoi fansat duke i falenderuar dhe duke i njoftuar se në çështjen e kërcënimit është përfshirë edhe policia.

Për sa i përket gjendjes së Salman Rushdie, ai është nën përkujdesin e mjekëve dhe thuhet se për shkak të goditjes me thikë në pjesën e qafës, mund të humbasë syrin. Gjithashtu, për momentin nuk mund të flaës, si dhe i janë dëmtuar nervat e krahut dhe mëlçisë.

Rushdie, prej vitesh tashmë është nën shënjestrën e ekstremistëve, pas botimit të veprës “Vargjet Satanike”, të cilën shumë prej besimtarëve myslimanë e kanë konsideruar blasfemi. Sulmi ndaj tij konsiderohet një regres i jashtëzakonshëm për fjalën e lirë dhe ka lënë të shokuar njerëzit anembanë botës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat