Shkodër, proces i qetë dhe pa incidente - Bota Sot
Shkodër, proces i qetë dhe pa incidente

Shkodra

Shkodër, proces i qetë dhe pa incidente

Më: 30 qershor 2019 Në ora: 08:14
Foto ilustrim

Shkodra, një nga qarqet më problematike, ku kryebashkiakja Voltana Ademi ka bllokuar disa qendra votimi të organizuara në ambiente në administrim të Bashkisë, këtë të dielë ka nisur qetësisht procesin e votimit për zgjedhjet vendore të 30 qershorit. Në qytet janë hapur qendrat e votimit dhe kanë mbërritur qytetarët e parë për të votuar.

Ndërkohë, disa qendra votimi janë zhvendosur në ambiente të tjera, siç është rasti i Teatrit “Migjeni” dhe bibliotekës, që nuk u liruan nga kryebashkikja Ademi.

Në këto kushte, votimet po bëhen në “Radio Shkodra”, ku materialet zgjedhore kanë mbërritur prej mbrëmjes së djeshme pa shënuar incidente.

Në Shkodër votimet kryhen për Valdrin Pjetrin, kandidat për kryebashkiak nga Partia Socialiste.

Qarku i Korçës, garë mes Filos së PS dhe Ollit të BD

Nderkaq edhe në gjithë qarkun e Korçës, qendrat e votimit janë hapur pa probleme. Në Bashkitë Maliq,  Korçë,  Devoll e Pustec, deri më tani nuk është shënuar asnjë incident. Prej orës 07:00 të mëngjesit kanë mbërritur qytetarët e parë për të votuar. Per Bashkinë e Korçës garojnë Sotiraq Filo, kryebashkiak aktual i PS-së, dhe Leonard Olli nga Bindja Demokratike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...