U rrëzua në malin e Tragjasit në Vlorë në 1943-shin/ Rreshteri britanik Peter Twiddy varroset tek Liqeni

Shqipëria

U rrëzua në malin e Tragjasit në Vlorë në 1943-shin/ Rreshteri britanik Peter Twiddy varroset tek Liqeni

Më: 20 tetor 2021 Në ora: 13:09

Rreshteri britanik Peter Twiddy është varrosur sot te Liqeni, pasi u rrëzua në malin e Tragjasit në Vlorë në 20 tetorin e vitit 1943, ditën që mbushte 22 vjeç.

Ambasada britanike organizoi sot ceremoninë e varrimit të Rreshterit Peter Twiddy të Forcave Ajrore Mbretërore, në 100 vjetorin e lindjes së tij.

Avioni i Forcave Ajrore Mbretërore u rrëzua pranë fshatit Dukat, Vlorë, ndërsa ishte i përfshirë në operacione të furnizimit të rezistencës antifashiste në Shqipër me furnizime, pajisje dhe municione.

Ceremonia u mbajt nga Ambasadori Britanik Alastair King-Smith, te Varrezat Përkujtimore të Parkut të Madh të Tiranës, Varrezat e Ushtarëve Anglezë.

Peter Twiddy lindi më 20 Tetor në Stockëell, Surrey, me baba Albert Twiddy and nënë Elsie Ward.

Rreshteri Twiddy e humbi jetën përgjatë përplasjes së avionit Halifax ditën e ditëlindjes së tij, kur edhe mbushte 22 vjeç.

Rreshteri do të prehet tashmë në banesën e fundit përgjatë një ceremonie e cila u zhvillua sot paradite tek Memoriali i të Rënëve pranë kodrave të Liqenit Artificial në Tiranë, në të njëjtën ditë e cila përkon me 100 vjetorin e lindjes së tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat