Shëndetësia as falas, as në kohë! Qytetarët: Presim me orë të gjata, paguajmë nën dorë mjekët

Shqipëria

Shëndetësia as falas, as në kohë! Qytetarët: Presim me orë të gjata, paguajmë nën dorë mjekët

Më: 28 janar 2022 Në ora: 15:25
Foto ilustrim

Pavarësisht investimeve të pretenduara nga qeveria shëndetësia ende nuk iu përgjigjet në kohë pacientëve. Qytetarët thonë se janë të detyruar të presin me orë të gjata në radhë për të marrë një shërbim. Nga një vëzhgim i Rtv Ora në QSUT, shumë qytetarë thonë se ka raste kur shërbimi nuk u ofrohet pa dhënë ryshfet tek mjekët.

Për të marrë një shërbim mjekësor në Shqipëri duhet të presësh në rastin më të mirë me orë.

"3-4 orë deri sa të na vijë radha".

"Jemi të detyruar të presim, e kanë bërë shumë keq për tu futur brenda."

Para dyerve të QSUT-së pacientët e ardhur nga larg thonë se për të marrë një shërbim në kohë të shpejtë e me cilësi duhet të paguajnë nën dorë tek mjekët.

"Është puna te paret, nuk hiqet hajdutllëku në Shqipëri, unë vij për siklet dhe ti më sorollat."

Të tjerë nuk janë të kënaqur me kushtet e higjienën në disa raste por thonë se mjekët u janë gjendur pranë e ua kanë zgjidhur hallin.

"Jam shumë i kënaqur, falenderoj mjekët e urgjencës".

Në çdo ditë të javës spitalet e QSUT-së përballen me fluks pacientësh që kërkojnë shërbim të specializuar pasi atje ku jetojnë mjekët mungojnë.

"Kirurgjia nuk është."

Pikërisht për pritjen e gjatë, kostot në shërbim dhe cilësinë e dobët të pajisjeve mjekësore Shqipëria renditet nga “Numbeo” e parafundit në Evropë dukë lënë pas vetëm Maltën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat