“Ky revolucion nuk ndalet më”-Berisha nga Durrësi: Nuk jemi kukull lolo si Rama-AliBasha

Shqipëria

“Ky revolucion nuk ndalet më”-Berisha nga Durrësi: Nuk jemi kukull lolo si Rama-AliBasha

Më: 17 maj 2022 Në ora: 20:30
Foto ilustrim

Ish kryeministri Sali Berisha e ka ndalur turin e tij të fushatës elektorale për postin e kryetarit të PD-së në Durrës.

Pasi u ndal te lëvizja e tij për rithemelimin e PD-së e cila sipas tij, ka shërbyer për të ringritur në këmbë këtë forcë politike, Berisha u ndal edhe te ‘opozita e vërtetë’.

një term që ish kryeministri e përdor shpesh në fushatat e tij kjo si rrjedhojë e përçarjeve të PD-së. Duke përdorur këtë frazë, Berisha tha se ‘opozita e vërtetë’ është një lloj lëvizjeje e pandalshme, një lloj revolucioni që nuk ndalet kurrë.

Këtë Berisha e mbështeti me argumentin se nëse nuk do të kishte një ringritje nga Rithemelimi do të ishte një kukull e qeverisë, një rast ky i përsëritur me trion “Rama-AliBasha”.

“Pak muaj më para deklarova dhe e them dhe sot se kjo lëvizje është e pandalshme. Ky revolucion nuk ndalet më. Opozitë e vërtetë e Shqipërisë. Nëse nuk ngriheshim do ishim thjesht një kukull, një lolo.

Shembullin po e shihni këto ditë në marrëdhëniet “Rama -Alibasha”.

Vendosëm të rikthejmë vlerat tona më të mira. Ne arritëm sepse secili prej jush mori një vendim. Nuk ecet më kështu. Nuk e pranojmë më këtë gjendje. Mjaft është mjaft. Duhet të rikthehemi. Dhe kjo ndodhi dhe sot ja ku jemi.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat