“Po i rrjepin qytetarët me gjoba”, deputeti i PD denoncon: Si vonohen në sistem për t’iu vjedhur sa më shumë para

Shqipëria

“Po i rrjepin qytetarët me gjoba”, deputeti i PD denoncon: Si vonohen në sistem për t’iu vjedhur sa më shumë para

Më: 9 gusht 2022 Në ora: 22:14
Saimir Korreshi

Deputeti i PD-së Saimir Korreshi deklaron se policia po rrjep qytetarët me gjoba. Sipas tij, e vetmja gjë me të cilën mburret policia është vendosja e gjovave dhe nuk iu komunikohen qytetarëve.

Ai shkruan se gjobat dalin në sistem pasi kamat vonesa është maksimale dhe se pasi policia ndalon qytetarët me familjarët në makine e pasi konstaton që ka gjobë e shoqëron drejtuesin edhe mjetin në komisariat deri në pagimin e detyrimit.

Deputeti i PD-së shkon më tej duke thënë se komisioni i vlerësimit të shkeljeve janë gjobaxhinj më vete dhe se shumë qytetarë ankohen se u bëhet presion edhe kur shkelja nuk shoqërohet me foton e pretenduar apo i kërkojnë ryshfet për të ndërruar drejtuesin me një tjetër që patentën e ka sa për kartë portofoli e as nuk e di që e ka sepse nuk ka makinë.

POSTIMI I PLOTË

SHTET HAJDUT – POLICI ”GJOBASH”.

E vetmja gjë me të cilën mburret policia është vendosja e gjobave shkelësve sipas tyre.
Mirëpo këto gjoba kanë anën e tyre të erret që përditë e më shumë i rrjepin qytetarët ndaj po i kthehem edhe njëherë kësaj teme.
📌 Gjobat nuk u komunikohen qytetarëve edhe kjo është në shkelje të hapur me kodin rrugor.
📌 Gjobat dalin me sistem pasi kamat vonesa është maksimale. Pra nëse ti merr një gjobë 2000 lekë të jesh i sigurt se në sistem do të dalë vetëm atëherë kur ajo ka shkuar 3200 në rastin më të mire ose 3700 lekë. Kjo është vjedhje për qytetarin pasi nuk i jep atij mundësinë për ta paguar me 80% të vlerës, njoftimi dhe kamatvonesa duhet të fillojë atë dite kur personi merr dijeni për gjobën. Kjo është vjedhje e hapur dhe shpërdorim detyrë për punonjësit e policisë.
📌 Makina në alert. Turp e faqe e zezë pasi policia ndalon qytetarët me familjarët në makine e pasi konstaton që ka gjobë e shoqëron drejtuesin edhe mjetin në komisariat deri në pagimin e detyrimit. Polica abuzon kur shkeljen administrative e kalon në dhunim të të drejtave të individit, shoqërime të paligjshme a thua se ata s’e kanë adresën me targën e automjetit dhe numrin e telefonit të pronarëve të këtyre automjeteve. Jo për gjë po t’i kërkojnë te PS se i kanë PATRONAZHISTET më të detajuara.
📌 Komisioni i vlerësimit të shkeljeve janë gjobaxhinj më vete. Shumë qytetarë ankohen se u bëhet presion edhe kur shkelja nuk shoqërohet me foton e pretenduar apo i kërkojnë ryshfet për të ndërruar drejtuesin me një tjetër që patentën e ka sa për kartë portofoli e as nuk e di që e ka sepse nuk ka makinë. Ky është trendi i ri i abuzimit me gjoba ryshfeti që shkojnë deri në 50000 lekë të reja.
📍 SHÇKB apo Drejtor i Policisë apo çfarëdo qofshit nëse e dini e nuk veproni jeni po aq hajdutë sa ata që përmenda më sipër. Në rast se nuk keni info ndërhyni menjëherë e mos u mburrni me iu vënë gjoba njerëzve e me mënyra abuzive.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat