Policia Kufitare e Vlorës ka gjobitur me 10 mijë lekë drejtuesin e një mjeti lundrues pasi u kap pa dokumentacionin përkatës.
Sipas policisë, shtetasi kosovar që ishte dhe drejtues i gomones ka rrezikuar jetën e personave në bord dhe pas kontrolleve rezultoi se nuk kishte as dokumentacionin e duhur të lundrimit.
Policia ka bllokuar edhe një tjetër mjet lundrues që nuk zotëronte dokumentacionin përkatës.
Kontrollet janë shtuar për shkak te afrimit të sezonit. Deri më tani janë kontrolluar 12 mjete lundrimi për peshkim, 28 mjete lundurimi për argëtim, si dhe 19 mjete detare turistike.
