Admirali Hranj falënderon gjeneralin Rama për ndihmën e ofruar për popullin kroat

Aktuale

Admirali Hranj falënderon gjeneralin Rama për ndihmën e ofruar për popullin kroat

Më: 30 dhjetor 2020 Në ora: 15:18
Rrahman Rama

Shefi i Shtabit të Përgjithshëm të Forcave të Armatosura të Kroacisë, admiralit Robert Hranj ka falënderuar komandantin e FSK-së, Rrahman Rama për gatishmërinë për të dërguar njësitë e specializuara për operacionet e kërkim-shpëtimit pas tërmeteve.

“Pas letrës së komandantit të FSK-së, gjenerallejtënant Rrahman Rama adresuar homologut të tij, shefit të Shtabit të Përgjithshëm të Forcave të Armatosura të Kroacisë, admiralit Robert Hranj, ku shprehë shqetësimin e thellë pas pasojave të tërmetit në Kroaci si dhe vullnetit e gatishmërisë së plotë për dërgimin e njësive të specializuara për operacionet e kërkim-shpëtimit, ka ardhur përgjigja e admiralit Hranj”, thuhet në njoftimin e bërë nga Ministria e Mbrojtjes së Kosovës.

Ministria ka publikuar edhe letrën e admiralit Hranj.

“ I nderuar gjenerallejtënant Rama, kam marrë letrën tuaj dhe ne të gjithë jemi mirënjohës për mbështetjen vetëmohuese të ofruar nga Forca e Sigurisë së Kosovës. Forcat e Armatosura Kroate po ndihmojnë dhe mbështesin popullsinë lokale me aftësitë dhe burimet tona, dhe ne e vlerësojmë reagimin tuaj të menjëhershëm. Ne nuk do të hezitojmë të kërkojmë për ndihmë nga ekipet tuaja nëse është e nevojshme.Edhe një herë, faleminderit, faleminderit Kosovë”, thuhet në letrën e admiralit Hranj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat