“Tv i oligarkut Ekrem Lluka është bërë organ i VV-së”, Vetëvendosje i reagon Memli Krasniqit

Aktuale

“Tv i oligarkut Ekrem Lluka është bërë organ i VV-së”, Vetëvendosje i reagon Memli Krasniqit

Nga: A.Zh Më: 20 janar 2021 Në ora: 20:42
Memli Krasniqi

Memli Krasniqi nga Partia Demokratike e Kosovës, ka akuzuar televizionin e Ekrem Llukës, se është shndërruar në organ të Lëvizjes Vetëvendosje duke prodhuar sondazhe të trilluara dhe lajme të rreme.

Reagimi i Krasniqit vjen pas publikimit të një sondazhi nga Kolegji Riinvest, i cili e ka nxjerrë VV-në si partinë e parë në Kosovë.

Atij për këtë i ka reaguar Arbër Zaimi nga Vetëvendosje, përcjell Bota sot. Zaimi ka thënë se Llukën miliarder dhe oligark e ka bërë PDK-ja.

Zyrtari i VV-së ka akuzuar PDK-në se u ka dhënë “borxhe” dhe bërë “ndere” oligarkëve.

Postimi i Zaimit në Facebook:

Ekrem Llukën miliarder dhe oligark e ka bërë PDK-ja që ka rritur dhe Memlin. Sapo morën në listë dhe Ramiz Kelmendin.

Nëse ka dhënë e ka marrë dikush “borxhe” dhe “ndere” prej oligarkëve, ato janë partitë e vjetra, me në krye PDK-në.

Strategjia e fushatës së PDK në 2019 ishte “antikorrupsioni”. Sivjet është “antioligarkia”. Gara për vend të dytë e të tretë po karakterizohet nga gënjeshtra fatkeqësisht.

Dihet kush e lufton korrupsionin dhe oligarkinë me vepra, dhe ajo është VV.

Dihet edhe kush po “lufton” me fjalë, pas 20 viteve ortakëri.

Shfaq komentet
comments powered by Disqus
Sot mund të lexoni Shfletoni kopertinat