Osmani: S’ka paqe nëse qytetarët nuk ndihen të sigurt të lëvizin në çdo cep të Kosovës

Aktuale

Osmani: S’ka paqe nëse qytetarët nuk ndihen të sigurt të lëvizin në çdo cep të Kosovës

Më: 3 shkurt 2021 Në ora: 15:14
Vjosa Osmani

Ushtruesja e detyrës së presidentes Vjosa Osmani ka përkujtuar 21-vjetorin e vrasjes së 10 civilëve shqiptar të vrarë në Mitrovicën e Veriut.

Ajo ka thënë se nuk mund të ketë as paqe të qëndrueshme e as stabilitet nëse njerëzit në çdo cep të Kosovës nuk ndihen të lirshëm për të jetuar e për të lëvizur.

“Njëzetë e një vjet më parë, më 3 e 4 shkurt struktura paralele të dirigjuara nga shteti i Serbisë vranë në Mitrovicë 10 qytetarë shqiptarë, i plagosën 25, teksa i dëbuan nga shtëpitë e tyre 1564 familje. Dy dekada më pas, kujtimi për civilët jeton bashkë me brengën për ata që më nuk arritën të kthehen në vatrat e tyre”, thuhet në komunikatën e presidencës.

Ajo ka shtuar tutje se koha është që tërësia territoriale e Kosovës të mos jetë vetëm në letër, por edhe në praktikë.

“Për një Kosovë në të cilën krimet nuk mbeten statistika në raporte, por trajtohen në organet e drejtësisë!”, thuhet në komunikatë

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat