Prokuroria jep detaje për policin që u gjet i vdekur në Pejë

Aktuale

Prokuroria jep detaje për policin që u gjet i vdekur në Pejë

Më: 1 mars 2021 Në ora: 20:19
Ilustrim

Një polic është gjetur pa shenja jete në Pejë sot rreth orës 16:20. I njëjti dyshohet se ka kryer vetëvrasje.

Kështu ka deklaruar, zëdhënësi i Prokurorisë Themelore në Pejë, Shkodran Nikçi.

“Në vend të ngjarjes ka dalë prokurori kujdestar i Departamentit të Krimeve të Rënda, bashkë me njësitë relevante. Dyshohet se i njëjti ka kryer vetëvrasje. Prokurori i Shtetit ka urdhëruar që trupi i pa jetë i viktimës të dërgohet për obduksion në Insitutin e Mjekësisë Ligjore në Prishtinë. Derisa ta pranojmë raportin e autopsisë, nuk mund të japim më shumë detaje”, ka thënë Nikçi.

Lajmin për vdekjen e tij e ka konfirmuar edhe zëdhënësi i policisë së rajonit të Pejës, Driton Rugova.

“Sot me datë 01/03/2021 ne ora 16:20 Policia në Pejë ka pranuar informatën se një zyrtar policor është gjetur pa shenja jete. Menjëherë njesiti policor ka shkuar ne lokacion”, ka deklaruar Rugova.

Shfaq komentet
comments powered by Disqus
Sot mund të lexoni Shfletoni kopertinat