Sallahu tregon çka do të ndodhë me ata që kanë vjedhur paratë

Aktuale

Sallahu tregon çka do të ndodhë me ata që kanë vjedhur paratë

Më: 14 prill 2021 Në ora: 21:30
Blerim Sallahu

Zëvendësministri i Drejtësisë, Blerim Sallahu ka folur për koncept dokumentin e projektligjit për konfiskimin e pasurisë së paligjshme.

Ai ka thënë se edhe direktivat e Bashkimit Evropian janë përfshirë në këtë koncept dokument dhe se gjithçka është në rregull në aspektin ndërkombëtar.

Sallahu duke komentuar deklaratën e ish deputetes Shqipe Pantina se këtë ligj qeveria do ta përdor si kërrbaç ndaj kundërshtarëve politikë, ka thënë se Pantina është dashur ta lexojë fillimisht koncept dokumentin pastaj të shkuaj për të.

“Agjencia për konfiskimin e pasurisë së paligjshme do të jetë plotësisht e pavarur”, ka thënë Sallahu.

Sipas tij, hartimi i Ligjit do të bëhet në konsulltim me të gjitha palët e interesuara dhe me ekspertë ndërkombëtarë.

“Do t’i ftojmë edhe ekspertët e Bashkimit Evropian”, ka shtuar zv/ministri i Drejtësisë.

“Ligji nuk do të hartohet dhe nuk do të jetë shkel e shko dhe nuk do të jetë ligj për hakmarrje ndaj askujt. Do të jetë ligj që taksat e qytetarëve të kthehen në vend. Ligji duhet të prodhojë drejtësi. Nuk do të hakmerremi ndaj njerit të gjallë”, ka theksuar me pas Sallahu.

Zv/ministri ka theksuar se Ligji e përcakton që ai që i ka vjedhur paratë e shtetit do t’i kthej ato brenda një viti.

“Jemi në fushën civile dhe atë që bën Agjencia ka të bëjë se e dërgon lëndë shumë më shpejt në Gjykatë. E sheh që të hyrat e ligjshme dhe pasuria e bërë ka diskrepancë. Agjencia konstaton se pasuaria e krijuar është në kundërshtim me të hyrat. Dhe në bazë të këtyre argumenteve e bënë kërkesën në Gjykatë”, ka thënë Sallahu.

commentFirst article
Sot mund të lexoni Shfletoni kopertinat