Kryesuesi i PZAP-së synon të jetë Gjyqtar në Gjykatën Kushtetuese

Aktuale

Kryesuesi i PZAP-së synon të jetë Gjyqtar në Gjykatën Kushtetuese

Më: 21 prill 2021 Në ora: 17:46
Shukri Sylejmani

Sot ka përfunduar afati i thirrjes publike për një gjyqtar në Gjykatën Kushtetuese.

E lidhur me këtë, Kuvendi i Kosovës ka publikuar listën e plotë të kandidatëve që kanë aplikuar për t’u bërë pjesë Gjykatës Kushtetuese.

Në listën e publikuar janë gjithsej 11 kandidatë që synojnë të bëhen Gjyqtar të Kushtetueses.

“Deri më sot në orën 16:00, kanë aplikuar 11 kandidatë: Vigan Qorrolli, Hava Bujupaj-Ismajli, Shukri Sylejmani, Gjylbehare Murati, Hashim Çollaku, Hilmi Jashari, Valbona Shala-Thaqi, Visar Morina, Haxhi Xhemajli, Zef Prenrecaj dhe Ramadan Gashi”, thuhet në njoftimin e publikuar nga Kuvendi.

Në mesin e këtyre kandidatëve që synon të jetë Gjyqtar në Gjykatën Kushtetuese, është edhe Shukri Sylejmani nga Mitrovica, i cili më 16.02.2010, me dekretin DGJ- 007-2010, nga Presidenti i Republikës është dekretuar gjyqtar në Gjykatën Supreme të Kosovës.

Sylejmani po ashtu, është Kryesues i Panelit Zgjedhor për Ankesa dhe Parashtresa (PZAP), i emëruar nga data 12.10.2020.

Tutje, Kuvendi i Kosovës ka njoftuar se përkundër që sot është mbyllur afati për dorëzimin e CV-ve të kandidatëve për Gjyqtar në Gjykatën Kushtetuese, procesi është duke pritur edhe nominime të tjera eventuale nëpërmjet postës.

“Proceduara e përzgjedhjes së gjyqtarve do të vazhdojë konform Ligjit për Gjykatën Kushtetuese të Republikës së Kosovës”, thuhet ndër të tjera në kumtesë.

Shfaq komentet
comments powered by Disqus
Sot mund të lexoni Shfletoni kopertinat