Deputeti i Kuvendit të Kosovës dhe kryetari i Aleancës Kosova e Re, Behgjet Pacolli, nuk njihet vetëm për pasurinë e tij.
Përderisa flitet shumë për këtë pjesë, pasurinë afro 340 milionë euroshe, Pacolli njihet edhe për diçka tjetër.
Ai përveç shkollimeve të tjera që ka përfunduar njihet edhe si deputeti i cili flet hiç më pak se 7 gjuhë të huaja e 8 duke e përfshirë edhe gjuhën shqipe.
Kjo në bazë të biografisë së tij ku thuhet se përveç gjuhës shqipe ai flet edhe anglishten, frëngjishten, gjermanishten, italishten, rusishten, spanjishten, serbokroatishten.
E në biografinë e tij në pjesën ku flitet për gjuhët e huaja fjalia përfundon me “ e të tjera”, që lë të nënkuptohet se këto nuk janë gjuhët e vetme që flet ish-zëvendëskryeministri i Kosovës.
