Njoftim nga Ambasada për qytetarët e Kosovës që ia mësyejnë Gjermanisë

Aktuale

Njoftim nga Ambasada për qytetarët e Kosovës që ia mësyejnë Gjermanisë

Më: 22 qershor 2021 Në ora: 10:56
Foto ilustrim

Ambasada e Gjermanisë në Kosovë njofton se nga 25 qershori 2021 ka lehtësime të kufizimeve të udhëtimit nga Kosova drejt Gjermanisë për personat plotësisht të vaksinuar kundër Covid-19.

Me efekt nga data 25.06.2021 për personat plotësisht të vaksinuar kundër Covid-19 sërish do të jenë të mundshme udhëtimet nga Kosova drejt Gjermanisë me parakushte të caktuara.

Personat plotësisht të vaksinuar, 2 javë pas marrjes së vaksinës së fundit do të mund të udhëtojnë drejt Gjermanisë për vizita, udhëtime afariste dhe qëllime turistike, me kusht që posedojnë vizën eventualisht të nevojshme.

Udhëzime: Personat plotësisht të vaksinuar, sipas parashikimeve nga fillimi i korrikut sërish mund të caktojnë termine për viza Schengen.

Me rastin e parashtrimit të kërkesës, duhet të paraqiten dokumentet mbi statusin e vaksinimit. E nevojshme për udhëtimin hyrës është një dëshmi mbi vaksinimin e plotë dhe të bërë së paku para 14 ditësh me një vaksinë të lejuar edhe në Gjermani.

Hollësi të tjera gjeni në uebfaqen tonë: www.pristina.diplo.de/viza

commentFirst article
Sot mund të lexoni Shfletoni kopertinat