“Tërhiqe fjalën, mos më krahaso mua me Bahtirin”/ Përplasje mes Baraliut dhe Latifit

Aktuale

“Tërhiqe fjalën, mos më krahaso mua me Bahtirin”/ Përplasje mes Baraliut dhe Latifit

Më: 15 tetor 2021 Në ora: 21:18
Blerim Latifi dhe Bleron Baraliu

Profesori universitar Blerim Latifi dhe opinionisti Bleron Baraliu kanë debatuar në emisionin Pressing.

Dyshja nuk janë pajtuar rreth qasjes së mediave gjatë fushatës zgjedhore për zgjedhjet e 17 tetorit.

“S’po flas për të gjitha por në përgjithësi mediat kanë qenë korrekte, e kanë bërë punën e tyre në mënyrën më të mirë të mundshme”, tha Latifi.

“Një deklaratë e tillë ka me tu cilësuar e barabartë me atë të akademik Bahtirit”, ia ktheu Baraliu.

“Me thënë mediat kanë qenë korrekte ma merr mendja është e barabartë me cilësimin se Agim Bahtiri është akademik”, shtoi Baraliu.

“E para këto janë dy raste që s’mund të krahasohen. Me më krahasu mua me Agim Bahtirin është ofendim…edhe tërhiqe fjalën”, tha Latifi.

“Blerim nuk të krahasova”, ndërhyri Baraliu.

“Është ofendim për debatin edhe për publikun”, theksoi Latifi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat