Mirëpritet vendimi i ri i Kurtit për Doganat; Shasha: Shembulli i radhës!

Aktuale

Mirëpritet vendimi i ri i Kurtit për Doganat; Shasha: Shembulli i radhës!

Nga: A.ZH Më: 16 tetor 2021 Në ora: 16:50
Pamje nga takimi i Kurtit dhe Muratit me Llugaliun

Kryeministri i Republikës së Kosovës, Albin Kurti, pas takimit me drejtorin e Doganave të Kosovës, Agron Llugaliun, ka thënë se deri në mesin e vitit të ardhshëm terminalet doganore shtetërore do të shtrihen në të gjithë vendin.

Këtë lajm e ka mirëpritur drejtori ekzekutiv i Institutit EPIK Demush Shasha, përcjell Bota sot.

Ai ka thënë se ky vendim është shembull i radhës se me vullnet politik bëhen lehtë reformat evropiane.

Reagimi i tij në Facebook:

“Do e djegim gjithë makinerinë tonë, nëse vendoset ky haraç” – patën ulëritur përfaqësuesit e bizneseve në vitin 2013, kur u vendos taksa e terminaleve private doganore.

Nga ana tjetër, në kafet e Prishtinës shaka e shehrit ishte: “Me përpara largohet KFOR-i, se sa qe largohet homologimi dhe terminalet private.”

Vendimi për largimin e terminaleve private doganore nuk është vetëm heqja e një barre të padrejtë mbi bizneset, por edhe përmbushja e një obligimi në rrugën tonë integruese. Kësisoj, vendimi është edhe shembulli i radhës për të demonstruar se sa lehtë është të bësh reformat evropiane. Vetëm nëse ke vullnet politik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat