Këshilli Prokurorial i reagon ashpër zv.ministrit të Drejtësisë, jep një paralajmërim për pushtetin ekzekutiv

Aktuale

Këshilli Prokurorial i reagon ashpër zv.ministrit të Drejtësisë, jep një paralajmërim për pushtetin ekzekutiv

Nga: A.ZH Më: 22 tetor 2021 Në ora: 22:17
Blerim Sallahu

Këshilli Prokurorial i Kosovës, ka reaguar ndaj deklaratës së zëvendësministrit të Drejtësisë, Blerim Sallahu, i cili ka thënë se “ditëve të fundit, po dëshmohet që vet prokurorët janë të involvuar në veprime kriminale”.

Në reagimin për media, KPK shprehet i shqetësuar me këtë deklaratë të Sallahut, duke e cilësur atë si linçuese dhe tendencioze “me qëllimin dëmtimin e sistemit prokurorial”, përcjell Bota sot.

KPK ka paralajmëruar se nëse pushteti ekzekutiv nuk distancohet nga deklaratat e tilla do të ndërpritet çfarëdo komunikimi dhe bashkëpunimi ndër-institucional.

Reagimi i plotë:

Këshilli Prokurorial i Kosovës (KPK), është thellësisht i shqetësuar me deklaratat e zëvendësministrit të Drejtësisë, Blerim Sallahu, të bëra përmes një statusi në “Facebook”, ku i quan prokurorët kriminel.

Deklaratat e Zëvendësministrit të Drejtësisë janë linçuese, tendencioze, paragjykuese dhe kanë për qëllim dëmtimin e sistemit prokurorial.

Nëse pushteti ekzekutiv nuk distancohet nga deklaratat e tilla do të ndërpritet çfarëdo komunikimi dhe bashkëpunimi ndër-institucional.

Ndërkaq, Prokurori i Shtetit siguron opinionin se do t’i ndërmarrë të gjitha veprimet e nevojshme ligjore lidhur me pretendimet e paraqitura sot në media, dhe çfarëdo shkelje eventuale do të këtë reagime ligjore.

Këshilli Prokurorial i Kosovës si organ i pavarur kushtetues nuk ka lejuar dhe nuk do të lejojë asnjë interferim nga askush për çfarëdo interesi personal, grupor apo politik të cenojë integritetin e sistemit prokurorial.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat