MSH shqyrton shtrëngimin e masave anti-Covid, gastronomët paralajmërojnë protesta

Aktuale

MSH shqyrton shtrëngimin e masave anti-Covid, gastronomët paralajmërojnë protesta

Më: 29 nëntor 2021 Në ora: 20:34
Foto ilustrim

Ministria e Shëndetësisë ka paralajmëruar ndryshim të masave ani-Covid pas përhapjes së variantit të ri Omicron. Edhe pse nuk është bërë e qartë nëse do të ketë shtrëngim apo lirim masash Asociacioni i Komunave të Kosovës dhe komuniteti i gastronomëve kërkojnë lirimin e masave dhe heqjen e orës policore. Madje janë paralajmëruar edhe protesta në rast të shtrëngimit të masave.

Nga MSH thonë se këtë javë do t’i drejtohen qeverisë sa u përket masave të reja lidhur me situatën epidemiologjike. 

Komunat e Kosovës kërkojnë heqjen e orës policore duke apeluar për vaksinim sa më masiv të qytetarëve.

“Kemi kërkuar që kufizimi i lirisë së lëvizjes së lirë të hiqet në tërësi sepse situata është e qetë. Kemi një numër minimal të të infektuarve dhe nuk jemi duke parë një trend të rritjes së numrit të të infektuarve. Nëse ndodh një gjë e tillë mblidhemi përsëri dhe rishkojmë masat”, tha për RTK’, Armend Ibrahimi nga AKK.

Ashpërsimin e masave e kundërshtojnë gastronomët të cilët paralajmërojnë protesta nëse vendoset për një gjë të tillë.

Paralajmërimet për masa të reja vijnë pas paraqitjes së variantit të ri të Covid-19 Omicron në botë i cili përhapet shumë më shpejt dhe s’ka shumë informacione rreth tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat