Hiqet autobusi nga udha, familja e shoferit ankohet për trajtim

Aktuale

Hiqet autobusi nga udha, familja e shoferit ankohet për trajtim

Më: 29 nëntor 2021 Në ora: 20:37
Foto

Familjet Hamzaj, Mustafaj e Gjokaj kanë hapur dyert për ngushëllime paraditen e së premtes. Tek familja e Gentës e Ledionit shkuan shumë miq e përfaqësues të institucioneve, gjë që familjarët thonë të ua kenë lehtësuar dhimbjen.

Aty shkuan edhe shokë të nxënësve të ndjerë dhe ata që më parë nuk u njohën me këto familje.

Në mesin e personave që shkuan për kryeshnosh ishin edhe familja e Gani Gjokajt, vozitësit të autobusit që u vra bashkë me dy nxënësit në mbrëmjen e së premtes, pas një sulmi me automatik.

Por Gjokajt, që të pamen e kanë në Skivjan, thonë se janë anashkaluar nga institucionet, megjithëse edhe i afërmi i tyre humbi jetën në të njëjtën ngjarje. Kjo meqë nuk janë vizituar e kontaktuar nga institucionet, përjashtuar presidenten, Vjosa Osmani, e cila ka dërguar një telegram ngushëllimi në varrim.

Ndërkohë, tre ditë pas ngjarjes, autobusi ku mbetën të vrarë 3 persona e një u plagos, u largua nga vendi i ngjarjes. Por as pas kaq ditësh, autori apo autorët e vrasjes ende nuk janë identifikuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat