​Hisen Berisha komenton emërimin e Bashkim Jasharit si komandant i ri i FSK-së

Aktuale

​Hisen Berisha komenton emërimin e Bashkim Jasharit si komandant i ri i FSK-së

Më: 1 dhjetor 2021 Në ora: 21:08
Hisen Berisha

Deputeti i PDK-së Hisen Berisha ka reaguar pas zhvillimeve të fundit në Forcën e Sigurisë së Kosovës, ku pas dorëheqjes së gjenerallejtënant Rrahman Ramës, presidentja Vlora Osmani për komandant të ri të FSK-së emëroi nipin e komandantit legjendar Adem Jashari, gjeneralmajor Bashkim Jashari.

Berisha thotë se deri sot jo stabiliteti i qeverive të Kosovës nuk është reflektuar në ndryshimin e kreut ushtarak.

Sipas tij, ndërrimi i komandantit shpreson që ta çojë përpara zhvillimin dhe përparimin e FSK, por nëse këto ndryshime ndalin ose ndryshojnë karakterin e FSK-së, atëherë ka frikë se një situatë e krizës së thellë do ta presë Kosovën.

Për më tepër, Berisha thotë se kalimi i FSK nga ushtri profesionale në ushtri popullore është përgjegjësi që mund ta rrënojë personalitetin politik të Vjosa Osmanit dhe të minojë projektin për Forcat e Armatosura të Kosovës.

Ai ndërkaq i uron mirëseardhje kreut të ri të FSK-së, ndërsa një falënderim të veçantë ka edhe për komandantin e deritanishëm Rrahman Rama për shërbimin dhe punën me përkushtim në krye të armës së ushtrisë së Kosovës.

“Është koha e fundit të shpëtohet Forca nga pengesat për ngritje në nivelin e standardeve të shërbimit, të cilat nuk mund të ulen në nivelin tonë, por duhet ne të ngrihemi në nivelin e kërkuar, si dhe sfidimi nga avancimi teknologjik si në ushtritë moderne dhe NATO, çfarë synojmë të jemi dhe ne. Pres nga niveli i ministrit dhe i ish-komandantit të sqarohet si proces normal puna me rrotacion që ndodhë në Forca, që kjo të mos vë dritëhije hamendjesh mbi imazhin e forcës si komponentë kyçe e zbatimit të Strategjisë së Mbrojtjes dhe ndërtimit të sistemit të mbrojtjes,” u shpreh Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat