Asociacioni/ Kurti “shpërthen” ndaj Borrellit: Nuk mund ta Bosnjëzoni Kosovën!

Aktuale

Asociacioni/ Kurti “shpërthen” ndaj Borrellit: Nuk mund ta Bosnjëzoni Kosovën!

Nga: A.ZH Më: 8 dhjetor 2021 Në ora: 17:19
Kryeministri i Kosovës, Albin Kurti gjatë takimit me shefin e diplomacisë evropiane, Josep Borrell në Bruksel.

Edhe kryetari i Republikanëve të Kosovës Faton Kurti, ka reaguar pas deklaratës së përfaqësuesit të Lartë të BE-së për Politikë të Jashtme dhe Siguri, Joseph Borrell, i cili ka kërkuar formimin e Asociacionit të Komunave me shumicë serbe.

Borrell, dje në takimin e mbajtur me kryeministrin e Kosovës Albin Kurtin, në Bruksel, ka thënë se marrëveshja për Asociacionin është më e rëndësishmja.

“Pajtohem që Gjykata Kushtetuese (e Kosovës) vendosi pengesa në zbatimin e kësaj marrëveshjeje. Por, kjo (marrëveshje) u arrit ndërmjet përfaqësuesve të dy qeverive dhe në kuadër të dialogut. Kështu që, më vjen keq, por na duhet të kërkojmë zbatimin e kësaj marrëveshjeje”, ka thënë Borrell.

E sipas Faton Kurtit, Borrell nuk mund të Bosnjëzojë Kosovën, përcjell Bota sot. Ai ka thënë se viktimës po i kërkohet të bëjë kompromise me xhelatin.

“Borrell shko në ferr - ti dhe askush tjetër nuk mund ta bosnjëzoni Kosovën. Ky këshill nuk mund të quhet Këshill i Stabilizimit-Asocimit - por i Destabilizimit! Asnjëherë në historinë e njerëzimit nuk i është kërkuar viktimës të bëjë kompromise ndaj xhelatit!!!”, ka shkruar Faton Kurti në një postim në Facebook./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat