​Kollçaku thotë se kundërshtimet e opozitës lidhur me menaxhimin e pandemisë janë me tendencë politike

Aktuale

​Kollçaku thotë se kundërshtimet e opozitës lidhur me menaxhimin e pandemisë janë me tendencë politike

Më: 27 janar 2022 Në ora: 12:16
Fatmire Kollçaku

Deputetja e Lëvizjes Vetëvendosje, Fatmire Kollçaku ka thënë se kundërshtimet e opozitës lidhur me menaxhimin e pandemisë me COVID-19 janë me tendencë politike.

Kollçaku derisa i ka reaguar deputetit të LDK-së, Armend Zemaj për fjalimin e tij, ka thënë se ata që sot po kritikojnë kur ishin në pushtet nuk ishin të interesuar për shëndetin publik por sipas saj vetëm përfitimet politike.

Kollçaku: Kundërshtimet e opozitës janë me tendencë politike

“Nëse i shtrëngon masat pse i shtrënguat, nëse i liron po ju jeni fajtor tash për numrin e rasteve, këta janë të pakënaqur dhe çfarë tregon kjo, tregon një tendencë politike, brenga e parafolësit në tërë fjalimin prej fillimit deri në fund ishte një tendencë politike, siç ishte edhe atëherë e zhvendosjes së pushtetit nga një kryeministër i cili ishte në krye të detyrës në, dihet cili ishte qëllimi zhvendosja e pushtetit dhe përfundimisht marrja e pushtetit ndodhi edhe pse këtu si epidemiologe asokohe jo vetëm që e pata vë në pikëpyetje edhe që u ftua seanca kur ishim të gjithë të rrezikuar, në të njëjtën kohë nuk i intersojke shëndeti publik por përfitimet politike dhe atë e arritën, e rrezikuan vendin duke e ndërruar pushtetin në kohën kur ish dashit gjithë spektri politik të unifikohej në luftimin e një të panjohure”, ka thënë Kollçaku.

Kuvendi i Kosovës po zhvillon debat lidhur me situatën me Covid-19.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat