PSD-ja publikon aktvendimin e Gjykatës: Dardan Molliqaj u privua nga liria kundërligjshëm

Aktuale

PSD-ja publikon aktvendimin e Gjykatës: Dardan Molliqaj u privua nga liria kundërligjshëm

Më: 4 shkurt 2022 Në ora: 14:21
Dardan Molliqaj

PSD publikon aktvendimin e gjykatës: Molliqaj u privua nga liria kundërligjshëm Zyrtari i Partisë Socialdemokrate, Dren Kukaj, ka publikuar aktvendimin e Gjykatës Themelore në Prishtinë, lidhur me rastin e Dardan Molliqajt, i cili u arrestua para se të hynte në studion e “Pressing“, ku ishte i ftuar për intervistë.

Zyrtari i Partisë Socialdemokrate, Dren Kukaj, ka publikuar aktvendimin e Gjykatës Themelore në Prishtinë, lidhur me rastin e Dardan Molliqajt, i cili u arrestua mbrëmjen e së martës.

Sipas Kukajt, masa e shqiptuar është joproporcionale në raport me veprën e dyshuar penale dhe të gjitha rrethanat e këtij rasti, për çka ka thënë se ndaj të njëjtit aktvendim do të parashtrojnë ankesë pranë Gjykatës së Apelit.

Por, ky aktvendim dëshmoi atë që e thamë prej fillimit. Policia arrestimin spektakular në hapësirat e televizionit T7 e ka bërë në mungesë të një urdhërarresti. Për më tepër, Prokuroria ka pranuar një kallëzim penal për këtë vepër një ditë pas arrestimit të tij. Gjithashtu, Gjykata vërtetoi se ftesat e Policisë nuk janë dorëzuar në përputhje me dispozitat përkatëse të Kodit të Procedurës Penale. Të gjithë këtë veprimtari të orkestruar e të paautorizuar me ligj do ta denoncojmë pranë shumë organizatave që merren me të drejtat e njeriut. Për më tepër, këto shkelje do i adresojmë përmes të gjitha mundësive ligjore që i kemi në dispozicion”, ka shkruar ai në Facebook. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat