Ambasada Amerikane shpërndan deklaratën e Donfried pranë Kurtit: Status quo në dialog i shkon në dobi Rusisë

Aktuale

Ambasada Amerikane shpërndan deklaratën e Donfried pranë Kurtit: Status quo në dialog i shkon në dobi Rusisë

Më: 26 prill 2022 Në ora: 11:37
Karen Donfried dhe Albin Kurti

Ambasada Amerikane në Prishtinë ka shpërndarë deklaratën e Ndihmës Sekretares Amerikane të Shtetit për Çështje Evropiane dhe Euro-Aziatike, Karen Donfried, e cila pas takimeve që dje kishte me krerët e shtetit në Kosovë, tha se tha se ajo po e viziton Ballkanin Perëndimor në një kohë sfiduese, duke iu referuar luftës së Rusisë në Ukrainë. Sipas Donfried paqëndrueshmëria e status-quos ndërlidhet me synimet e Rusisë në Ballkan.

Ajo i ka bëri thirrje Kosovës dhe Serisë që të bashkohen dhe të riangazhohen urgjentisht në dialogun e lehtësuar nga BE-ja, me mbështetjen e fuqishme të SHBA-së.

Sipas Donfried, vetëm në këtë mënyrë, normalizimi i marrëdhënieve mes Kosovës dhe Serbisë mund të kërcënojnë aftësinë e Rusisë për të përçarë, për të krijuar frikë dhe për të nxitur kaos në Ballkan.

“Status quo-ja është e paqëndrueshme; jo vetëm që pengon të ardhmen evropiane të Kosovës dhe Serbisë, por është në dobi të Kremlinit. Rusia dëshiron të prishë çdo unitet dhe konsolidim demokratik në vendet e Ballkanit Perëndimor, duke siguruar që ju dhe fqinjët tuaj nuk mund dhe nuk mund të integroheni në institucionet evropiane dhe euroatlantike. Ajo (Rusia) beson se një rajon ballkanik më i fortë, më i begatë dhe prosperitet e demokratik është një kërcënim për ndikimin e tij. Marrëdhëniet më të mira mes Kosovës dhe Serbisë kërcënojnë aftësinë e Rusisë për të përçarë, për të krijuar frikë dhe për të nxitur kaos. Mënyra më e mirë për të kundërshtuar përpjekjet flagrante të Kremlinit për të destabilizuar rajonin është e thjeshtë: Kosova dhe Serbia duhet të bashkohen dhe të riangazhohen urgjentisht në dialogun e lehtësuar nga BE-ja, me mbështetjen e fuqishme të SHBA-së”, tha ajo në deklaratën e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat