Fetoshi: Gjykatën Speciale e kanë sjellë raportet e shumta ndërkombëtare

Aktuale

Fetoshi: Gjykatën Speciale e kanë sjellë raportet e shumta ndërkombëtare

Më: 18 maj 2022 Në ora: 23:29
Arben Fetoshi

Profesori universitar, Arben Fetoshi tha se raportet e shumta ndërkombëtare dhe raporti i Dick Martit e kanë sjellë krijimin e Gjykatës Speciale.

Sipas tij, konotacioni i krijimit të Gjykatës Speciale është politik.

Kosova ka qenë para dy zgjedhjeve. Pra është një padrejtësi shumë e madhe por edhe pasojë, sepse konotacioni i pastër i krejt kësaj ndërmarrje është politik, dhe këtë e di populli i Kosovës. Dy gjëra e kanë sjellë këtë situatë, e para është raportet e shumta ndërkombëtare, e dyta është një histori e gjatë që nuk duhet ta akuzojmë, akuza monstruoze e raportit të Dick Marti-it që ka pasur të bëjë me trafikimin e organeve njerëzore”, tha Fetoshi.

Fetoshi përmendi edhe gjykimet e mëhershme ndaj ish-krerëve të Ushtisë Çlirimtare të Kosovës. Sipas Fetoshit këto gjykime kanë qenë “gjueti shtrigash”.

“Republika e Kosovës e cila që nga dita e parë e çlirimit të vendit ka dëshmuar gatishmëri dhe vullnet të plotë në të gjitha instancat, për bashkëpunim me drejtësinë, për Ramush Haradinaj, Fatmir Limaj dhe bashkëluftëtarët e tjerë atje, pra një varg akuzash që unë i kam quajtur “gjueti e shtrigave” nga UNMIK-u e pastaj edhe EULEX-i”, shtoi tutje ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat