Aplikimi i Kosovës në Këshill të Evropës nuk futet në agjendën e mbledhjes së Komitetit të Ministrave

Aktuale

Aplikimi i Kosovës në Këshill të Evropës nuk futet në agjendën e mbledhjes së Komitetit të Ministrave

Më: 20 maj 2022 Në ora: 11:26
KiE

Aplikimi i Kosovës nuk është futur në agjendën e mbledhjes së Komitetit të Ministrave të Këshillit të Evropës që do të mbahet sot në Torino të Italisë.

Këtë e ka bërë të ditur deputetja e PDK-së, që njëherit është anëtare e komisionit parlamentar për Punë të Jashtme, Ariana Musliu Shoshi.

Kjo e fundit tha se me këtë, nuk mund të fillojnë procedurat zyrtare për anëtarësim, pa vonim dhe diskutim.

Takimi i radhës, siç ka thënë ajo, mbahet më 1 qershor në Strasburg.

Postimi i plotë i Musliu-Shoshit:

Ky është rezultat i diplomacisë së fjetur e JO të heshtur!

Që nga dita kur kemi dorëzuar kërkesën për aplikim në KE kam kërkuar qartësi nga qeveria se a do të jemi pjesë e agjendës formale në mbledhjen e Komitetit të Ministrave të Këshillit të Evropës që mbahet sot në Torino të Italisë!

Sot u konfirmua që ne nuk NUK jemi pjesë e agjendës formal në këtë takimin.

Rrjedhimisht sot nuk do të shqyrtohet kërkesa e Kosovës për anëtarësim në KE! Pra nuk mund të fillojnë procedurat zyrtare pa diskutim dhe votim.

Të shpresojmë se do të jemi pjesë e agjendës formale në takimin e zv.Ministrave që mbahet në Strasburg me datë 1 qershor 2022!.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat