Mashtrohet 40 vjeçari, paguan qindra euro kinse për t’u punësuar në ndërmarrjen “Trepça”

Aktuale

Mashtrohet 40 vjeçari, paguan qindra euro kinse për t’u punësuar në ndërmarrjen “Trepça”

Më: 23 maj 2022 Në ora: 10:15
Trepça

Rastet e mashtrimit të qytetarëve hallexhinj, të cilët paguajnë shumë herë shuma të majme parash kinse për t’u punësuar e pajisur me viza nuk janë të rralla.

Për një rast të tillë ka nisur së fundmi hetimet edhe Policia në Prishtinë.

Një 38-vjeçar ka rënë në prangat e Policisë pasi dyshohet se ka mashtruar një qytetar, duke i marrë para me premtimin se do ta punësonte në një ndërmarrje publike.

Prokuroria është vënë në dijeni për këtë rast më 17 maj, pasi viktima, që ka rënë pre e mashtrimit, e ka denoncuar të dyshuarin në Polici, ku ka raportuar se e ka paguar qindra euro për ta punësuar në ndërmarrjen “Trepça”.

Por përveç që nuk u punësua, viktima mbeti edhe pa para, pasi i dyshuari vetëm e vuri në lajthitje dhe u zhduk.

Megjithatë, Policia arriti që pas veprimeve hetimore të sigurojë prezencën e tij, me ç’rast ndaj tij, Prokurori i Shtetit ka urdhëruar ndalimin prej 48 orës, si i dyshuar për veprën penale “mashtrim”.

99

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat