Qalaj: Të mirren me seriozitet të gjitha kërcënimet me bomba

Aktuale

Qalaj: Të mirren me seriozitet të gjitha kërcënimet me bomba

Më: 27 maj 2022 Në ora: 22:43
Rashit Qalaj

Kosova është vendi i fundit në Ballkan, i cili do të përballej me një seri kërcënimesh për bomba në pjesë të ndryshme të kryeqytetit, ku frekuentimi i qytetarëve është më i madh.

Ekspertet e sigurisë në vend, këto zhvillime i shohin si përpjekje për destabilizim të rajonit.

“Unë mendoj se është duke u tentuar që rajoni i Ballkanit perëndimor të destabilizohet dhe kjo nuk është rastësi, kjo është pritur, lufta në Ukrainë, kemi thënë se gjendja e sigurisë më nuk do të jetë e njëjtë në Evropë. Unë prap e lidhi me pasojat e kësaj, duke tentuar që të krijohet një situatë e re e sigurisë në rajon dhe në vendin tonë”, tha Rashit Qalaj, ish-drejtor i Policisë së Kosovës.

Qalaj, që tani është tani anëtar i Komisionit për Çështjet e Sigurisë dhe Mbrojtjes në Kuvendin e Kosovës, tha kërcënimet për bomba duhet të mirren seriozisht në të gjitha raportimet, në mënyrë që mos të vie deri tek më e keqja.

“Unë mendoj që këto kërcënimet me bomba duhet të mirren shumë seriozisht, pavarësisht që shumica prej tyre rezultojnë të rrejshme, institucionet e sigurisë duhet të marrin të gjitha masat e menjëhershme, të bëhet sigurimi i perimetrit, të bëhet evakuimi i njerëzve, të bëhet dislokimi i njesitit anti-bombë“, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat