Iniciohet peticioni për mbledhjen e 10 mijë nënshkrimeve pro tërheqjes së 30% të parave nga Trusti

Aktuale

Iniciohet peticioni për mbledhjen e 10 mijë nënshkrimeve pro tërheqjes së 30% të parave nga Trusti

Më: 24 qershor 2022 Në ora: 21:13
Ilustrim

Deputeti i Partisë Demokratike të Kosovës, Bekim Haxhiu ka bërë të ditur se do të iniciohet peticioni për mbledhjen e 10 mijë nënshkrime që të riprocedohet në Kuvend projektligji për tërheqjen e 30 për qind të mjeteve nga Trusti Pensional.

Haxhiu përmes një shkrimi në llogarinë e tij në Facebook, ka publikuar edhe dokumentin e peticionit.

Ai mes tjerash ka thënë se kjo garantohet me Kushtetutë të Kosovës.

Shkrimi i plotë: 

Ashtu siç e kam paralajmëruar,

Grupi Pro tërheqjes 30% të Trustit do të inicoi Peticion për mbledhjen e 10 mijë nënshkrimeve për të riproceduar në Kuvend Projektligjin për Trustin, ju lumtë!

Këtë ua garanton :

Kushtetuta e Kosovës,

Neni 79 [Nisma Legjislative].

Nismën për të propozuar ligje, mund ta marrë Presidenti i Republikës së Kosovës nga fushëveprimtaria e saj/tij, Qeveria, deputetët e Kuvendit, ose më së paku dhjetëmijë qytetarë, sipas mënyrës së përcaktuar me ligj.

Ndonëse Kryeministri Kurti shfaqi gatishmëri që këtë të drejtë kushtetuese t’ua mohoj deputetëve duke i trajtuar ata si teknokrat apo robot të Albinit, kërkesat e qytetarëve nuk mund të shtypen me arrogancën e numrave të pushtetit.

Kush hynë në garë kundër qytetarëve çdo herë do të jetë humbës.

Shihemi në votimin e radhës për Trustin, deputetë të popullit apo robotë të Albinit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat