47 aktakuza të ngritura gjatë 24 orëve të fundit

Aktuale

47 aktakuza të ngritura gjatë 24 orëve të fundit

Më: 29 qershor 2022 Në ora: 13:38
Foto ilustrim

Prokurori i Shtetit ka bërë të ditur se gjatë 24 orëve të fundit nga Prokuroria Speciale e Republikës së Kosovës (PSRK) dhe prokuroritë themelore janë ngritur 47 aktakuza për vepra të ndryshme penale, ku përfshihen 56 persona.

Lajmi u bë i ditur përmes raportit 24 orësh të Prokurorisë së Shtetit, ku thuhet se tri prej tyre janë për korrupsion

Në raport thuhet se me urdhër të prokurorëve, 9 persona janë ndaluar për 48 orë, të dyshuar se kanë kryer vepra të ndryshme penale si dhe janë bërë katër kërkesa për caktim të paraburgimit ndaj katër të dyshuarve se kanë kryer vepra të ndryshme penale.

Gjatë 24 orëve të fundit, Prokuroria Themelore në Prishtinë, ka ngritur dy aktakuza kundër dy personave për veprën penale nga kapitulli i korrupsionit “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”.

Për veprën e njëjtë penale, Prokuroria Themelore në Gjilan ka ngritur një aktakuzë kundër një personi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat