​Delegacioni shtetëror italian pritet në Ministrinë e Punëve të Jashtme

Aktuale

​Delegacioni shtetëror italian pritet në Ministrinë e Punëve të Jashtme

Më: 29 qershor 2022 Në ora: 14:03
Foto ilustrim nga vendi i ngjarjes

Zëvendësministri i Punëve të Jashtme dhe Diasporës, Kreshnik Ahmeti, ka pritur në takim delegacionin nga Italia, të udhëhequr nga Nënsekretari i Shtetit për Punë të Jashtme, Bendetto Della Vedova.

Takimi u përqendrua në zhvillimin e mëtutjeshëm të raporteve shumë të mira mes të dyja vendeve. Thellimi i bashkëpunimit në fushën e sigurisë dhe mbrojtjes u vlerësua i një rëndësie të madhe, veçanërisht pas agresionit ushtarak të Federatës Ruse në Ukrainë dhe reflektimit të saj në rajonin e Evropës Juglindore.

Duke pasur për bazë qëllimin e të dy diplomacive për lidhjen sa më të madhe të qytetarëve të dy vendeve, u diskutua nevoja për thellimin e bashkëpunimit edhe në fushën e ekonomisë dhe kulturës, dhe ndihmesën për qarkullim sa më të lehtë të qytetarëve në drejtim të të dyja vendeve.

“Ahmeti e falënderoi z. Della Vedova për vizitën dhe mbështetjen e përhershme të Italisë për Kosovën. Takimi i vlerësuar shumë pozitiv, ndërsa diskutimet mes dy delegacioneve pritet të materializohen me marrëveshje dypalëshe nga Ministritë përkatëse”, thuhet në komunikatën e MPJD.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat