Kastrati thotë se tani është momenti për marrëveshjen përfundimtare me Serbinë

Aktuale

Kastrati thotë se tani është momenti për marrëveshjen përfundimtare me Serbinë

Më: 29 qershor 2022 Në ora: 23:48
Qëndron Kastrati

Nënkryetari i Partisë Socialdemokrate, Qëndron Kastrati tha se Kosova tani duhet ta bëjë marrëveshjen përfundimtare me Serbinë, që sipas tij, të mbyllen të gjitha çështjet e hapura.

Sipas tij, Kosova nuk do të duhej merrej me çështje periferike e teknike.

“Ne edhe njëherë po e përsërisim që duhet me bë marrëveshje përfundimtare me Serbinë që duhet me i mbyllë të gjitha çështjet e hapura dhe me arritë së bashku si rajon me e pasë një zhvillim. Ne nuk do të duhej me u marrë me çështje periferike e teknike, por duhet me bë njëherë e përgjithmonë marrëveshje përfundimtare ku i zgjidhim të gjitha çështjet e hapura“, tha ai.

Kastrati theksoi se me një marrëveshje përfundimtare mes Kosovës e Serbisë, të gjitha çështjet tjera do të bien në vendin e duhur.

“Nëse mirresh vesh në parim dmth për një marrëveshje të gjitha çështjet tjera bien në vendin e duhur. Ne po e shohim edhe një presion të bashkësisë ndërkombëtare ku ka ardhur momenti që Serbia përfundimisht duhet me e njoftë pavarësinë e Kosovës nëse dëshiron me avancu tutje qoftë në integrime evropiane, qoftë në marrëdhënie të mira me Perëndimin. Kështu që është një moment dhe një mundësi që duhet me e shfrytëzu me bë marrëveshje”, shtoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat