Liberalizimi i vizave/ Kjo është arsyeja që nuk iu dha drita jeshile Kosovës!

Aktuale

Liberalizimi i vizave/ Kjo është arsyeja që nuk iu dha drita jeshile Kosovës!

Nga: M.H. Më: 30 qershor 2022 Në ora: 13:00
Foto ilustrim

Liberalizimi i vizave është një nga temat më të përfolura kohëve të fundit.

Mos liberalizimi i tyre po arrinë të shqetësoj përveç liderëve të vendit edhe qytetarët.

Së fundmi një fije shprese që mund të kemi dritën jeshile nga BE ishte në Samitin e Brukselit.

Mirëpo që nuk ndodhi asgjë përveç zhgënjimit të përsëritshëm.

Në lidhje me këtë temë në një bashkëbisedim me “Bota sot”, ka folur sekretari i përgjithshëm i AKR-së, Vesel Makolli.

Ai u shpreh se shpresa që në Samitin e fundit të BE-se mund të ndodhë liberalizimi i vizave ka qenë një eufori që nuk ka pasur shansë të ndodhë.

Faji është i yni dhe vetëm i yni për të gjitha gjatë histories, shton tutje Makolli.

“Pritja nga samiti i fundit i BE-s për liberalizim të vizave, për neve që i kemi përcjell rrethanat dhe ngjarjet që kanë ndodhur në vendin tonë në vitet e fundit, ka qenë një eufori që nuk ka pas shansë për t'u realizuar.

Historikisht, ne për të gjitha ato që na kanë ndodhur, fajin u'a kemi lënë të tjerëve, e sidomos "Evropës", bile është edhe një këngë që unë e quaj "idiote", në vargjet e së cilës fajësohet Evropa dhe fyhet me epitete pezhorative. Faji është i yni dhe vetëm i yni për të gjitha gjatë historisë, duke përfshirë edhe rastin e fundit për mos liberalizim të vizave”, thotë ai.

Sekretari ndër të tjera thekson që mosliberalizimi I vizave vjen si rezultat i ngjarjeve dhe skenave që kanë paraqitur një imazh të keq të Kosovës në arenën ndërkombëtare.

“Ne mund t'i bëjmë qef veti e t'i harrojmë të gjitha skenat e padëshiruar me gaz lotësjellës në Kuvend, e me patriotizem folklorik për demarkacionit, të "ndihmuar" edhe nga lahuta e Çunit, por, Evropa nuk i harron dhe nuk duhet të harrohen, duhet të na shërbejnë si leksion për mos me ndodh diçka e ngjajshme në të ardhmen.

Evropa është demokracia me e avancuar dhe me kulturë të nivelit më të lartë në botë, andaj Kosova duhet të sillet pandan këtyre premisave”, përmbylli Makolli për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat