Osmani, Kurti e Szunyog bashkë në prezantimin e prioriteteve të Presidencës çeke të BE-së

Aktuale

Osmani, Kurti e Szunyog bashkë në prezantimin e prioriteteve të Presidencës çeke të BE-së

Më: 1 korrik 2022 Në ora: 14:31
Osmani, Kurti e Szunyog

Ambasadori i BE-së në Kosovë, Tomas Szunyog, i cili vjen nga Çekia, së bashku me presidenten Osmani, kryeministrin Kurti dhe të ngarkuarin me pune të ambasadës së Çekisë në Kosovë kanë marrë pjesë në organizimin e zyrës së BE-së për të prezantuar prioritetet e presidencës çeke të BE-së.

Shefi i Zyrës së BE-së, Szunyog, ka ndarë disa fotografi nga organizimi.

“Krenar që u bashkova sot me të ngarkuarin me punë të ambasadës së Çekisë në Kosovës, Pavel Bilek, presidenten Vjosa Osmani dhe kryeministrin Albin Kurti për të prezantuar prioritetet e presidencës çeke të Këshillit të BE-së nën moton Evropa si detyrë: Rimendo, rindërto, rifuqizo”, ka shkruar Szunyog.

Çekia nga sot udhëheqë me presidencën e Këshillit të BE-së deri më 31 dhjetor 2022.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat